Ümumi tarix tapşırıqlar toplusu. Məktəb illərində qazanılan biliyin ali məktəblərə qəbul olmaq üçün hazırlıq dövrlərində daha da möhkəmləndirilməsi uğurlu nəticəyə nail olmağın ən əsas şərtlərindəndir. Hazırlıq dövründə, eləcə də DİM-in sınaq və qəbul imtahanlarının tərtibində orta məktəb dərslikləri əsas götürülsə də, bu yoldakı səmərəliliyi artırmaq üçün digər hazırlıq vəsaitlərinə də ehtiyac duyulur. Bizim hazırladığımız tapşırıqlar toplusu da bu sahədə Sizlərə qazandıqlarınız bilikləri daha da möhkəmləndirməyə xidmət edəcəkdir. Toplumuz 5 bölmədən ibarətdir. İlk 4 bölmə müvafiq mövzu başlıqları altında test tapşırıqlarından, 5-ci bölmə mənbə sualları və sınaq imtahanlarından ibarətdir. Test tapşırıqları və suallar 6-11-ci sinif orta məktəb dərsliklərindəki mövzular əsas götürülərək hazırlanmışdır. İnanırıq ki, tapşırıqlar toplumuz həm müəllimlər, həm abituriyentlər, həm də aşağı sinif şagirdləri üçün faydalı olacaqdır.